МАХН-ын Бага чуулган болох гэж буйтай холбогдуулан өнөөдөр МАХН-аас цаг үеийн асуудлаар болон намын дарга Н.Энхбаярын огцруулах тухай мэдээлэлтэй холбогдуулж, хэвлэлийн хурал зохион байгууллаа. Хэвлэлийн хуралд МАХН-ын Ерөнхий нарийн бичгийн дарга Г.Шийлэгдамба, нарийн бичгийн дарга Ч.Чимидсүрэн, П.Цогтбаатар нар оролцов.

sA

Тэд энэ үеэр “МАХН-ын бага чуулган энэ сарын 24-нд хаалттай хуралдана. Энэ үеэр 2013 оны МАХН-ын зохион байгуулсан ажлуудын тайлан илтгэлийг хэлэлцэж, ерөнхийлөгчийн сонгуульд хэрхэн оролцсоноо дүгнэнэ. Бид ямар нэгэн байдлаар МАН –тай нэгдэх асуудлыг хэлэлцэхгүй, тийм төлөвлөгөлө байхгүй.

A

Манай МАХН-ын дарга Н.Энхбаярын биеийн байдал харьцангуй сайжирч байгаа. Цаашид эмчилгээгээ хийлгэнэ. Манай намын даргыг янз бүрийн нэгэн мэдээлэлд холбогдуулж байгаад харамсаж байна. Намын дарга бага чуулганд оролцох эсэхийг одоо хэлэх боломжгүй. Түүний биеийн байдал ямар байхаас шалтгаална. Бидний хувьд эмчилгээг сайн хийлгэж, эрүүл саруул болоод, намын даргын ажлаа үргэлжлүүлэх тэр цагийг хүлээж байна.

dF

МАХН-ын Гүйцэтгэх товчоо өчигдөр хуралдаж, Н.Энхбаярыг намын даргын албанаас огцрохыг шаардсан захидал илгээсэн тухай мэдээллийг намын нэр хүндэд халдсан, гүтгэлгийн чанартай гэж үзсэн. Намын даргын өөрчлөх эсэхийг бага чуулганаар хэлэлцдэггүй. Их чуулганаар хэлэлцдэг. Их чуулган ирэх онд болно. Манай намыг хагалан бутаргах, үйл ажиллагааг нь харлуулах зорилгоор гүтгэлгийн чанартай мэдээллийг сүүлийн хэд хоног олон нийтийн мэдээллийн хэрэгслээр тарааж байгаад харамсч байна.

\

Мөн манай намын гишүүдийн зүгээс намын даргад ямар нэг захидал, намын даргаас огцрох талаар мэдээлэл хийгээгүй. Гүтгэлгийн чанартай мэдээлэл тарааж, МАХН-ыг удирдлагагүй болгож, үгүй хийх зорилготой улстөрийн хүчинд ашиглагдан манай нэрийг барьсан, зохион байгуулалттай үйл ажиллагаанд татагдан оролцох гишүүд МАХН-д байхгүй” хэмээн тэд онцоллоо.

П.Наран