Сэргээгдэх эрчим хүчний үндэсний төвийн дэд захирал О.Бавуудоржтай нарны эрчим хүчний судалгааны ажлын тухай ярилцлаа. 

7

-Нарны эрчим хүчний хэрэглээг нэвтрүүлэхэд Германы засгийн газар туслалцаа үзүүлж байгаа гэсэн?

-Монгол улсын засгийн газар нарны эрчим хүчийг хөгжүүлэхээр ажиллаж байна. Түүний хүрээнд Германы засгийн газарт нарны цахилгаан станц байгуулахад техникийн туслалцаа үзүүлээч гэсэн хүсэлт тавьсан. Үүний дагуу Германы засгийн газар нарны цахилгаан станц байгуулах боломжийн талаар урьдчилсан техник эдийн засгийн үнэлгээ /ТЭЗҮ/боловсруулсан.

7

-Нарны цахилгаан станц байгуулах бүх л асуудалд туслалцаа үзүүлж байгаа гэж ойлгож болох уу?

-Боловсон хүчин, зөвлөх үйлчилгээний туслалцааг Германы засгийн газраас үзүүлж байна. ТЭЗҮ боловсруулахад манай боловсон хүчний чадавхи муу байгаа. Тийм учраас энэ чиглэлээр мэргэшсэн нарны эрчим хүчний инженер, санхүү эдийн засгийн мэргэжилтнүүд энэ төрлийн үйлчилгээ хийх шаардлага хангасан багаж авчраад туслалцаа үзүүлж байна.

6

-Манай улсын нарны нөөц хэр байдаг вэ?

-Монгол улс дэлхий дээр нарны их нөөцтэй цөөхөн улсын нэг. Монголын давуу тал нь сэрүүн цаг агаар. Нарны эрчим хүчийг ашиглахад нарны технологийн хувьд нарны цацраг ихтэй, сэрүүн байх тусмаа тухайн технологи үр ашигтай ажилладаг.

6

-Нарны эрчим хүчний станц байгуулахад хэр хэмжээний хөрөнгө мөнгө шаардлагатай вэ?

- Нүүрсний цахилгаан станц зэрэгтэй харьцуулахад сэргээгдэх эрчим хүчний технологийн онцлог нь анхны хөрөнгө оруулалт өндөр байдаг. Гэхдээ ашиглалтын зардал гэж бараг байхгүй. Тэгэхээр давуу тал нь бага ашиглалтын зардал болж байгаа юм. Нарны цахилгаан станц байгуулахад өртөг өндөр гарч байгааг Германы мэргэжилтнүүд хэлж байна.

6

-Манайд туршлага байгаа юу. Ойрын хугацаанд нарны цахилгаан станцтай болох уу?

-Сэргээгдэх эрчим хүчний судалгаа нэлээд дээр үед эхэлсэн. Судалгааны ажлын дүнд тодорхой хэмжээний туршилгыг  хуримтлуулсан. Өөрийн технологийг турших ажил манайд хийгдэж байсан. Одоо бол өрхийн хэрэгцээнд  нарны эрчим хүч хэрэглээд болж байна. Харин одоо улсын хэмжээнд нарны цахилгаан станцыг хэрхэн бий болгох вэ гэсэн судалгааны ажил өнөөдрөөс эхэлж байна. Яг энэ ажил эхлээд жил л болж байна даа.

6

Ц.Зол