Хятадын Зиндао мужид нефтийн хоолой дэлбэлсэн хэрэгт сэжиглэн есөн хүнийг саатуулсан тухай “BBC” агентлаг мэдээллээ. Синодик компанийн нефть дамжуулах хоолой өнгөрсөн баасан гарагт гэнэт дэлбэрснээс болж 55 хүн амиа алдаж 136 хүн бэртсэн юм. Синодик компанийн долоон ажилтанг ажлын хариуцлага алдсан байх магадлалтай гэж өнөөдөр баривчилсан байна. Мөн Зиндао хотын эдийн засаг, технологийн салбарт ажилладаг хоёр ажилтанг энэ хэрэгтэй холбоотой гэж хорьжээ.

Тус хоолой дэлбэрсэний дараа 3000 ам метр газарт нефть асгарч, зам талбай эвдэрсэн юм. Зиндао мужийн цагдаагийн дарга Ань И “Баривчилсан этгээдүүд хэрэг үйлдсэн гэх нотолгоо бага байна. Бид гурван хоногийн турш мөрдлөгө явуулсаны дүнд тэднийг сэжигтэй байж магадгүй хэмээн саатуулсан. Хэрвээ буруутай нь тогтоогдвол ялын дээд хэмжээ оноох болно” гэжээ.

Б.Дэлгэрцэцэг