Манай улсын иргэдийн нэлээд хэсэг нь ажил хөдөлмөр эрхлээгүй, эрхлэх боломжгүй болсноос болон тэтгэврийн даатгалын шимтгэл төлөгдөөгүй, төлөх боломжгүйгээс ажилласан хугацаа нь тасарсан. Энэ нь зах зээлд шилжсэн 1990-1995 он хүртэлх хугацаанд буюу тухайн үеийн улсын үйлдвэр, аж ахуйн нэгж, байгууллагууд хувьчлагдан, татан буугдаж, дампуурч үйл ажиллагаа нь зогссоноос үүдэлтэй. Мөн 1995-2000 он дуустал хугацаанд даатгуулагч, иргэд нь нийгмийн даатгалд хамарч чадаагүй тохиолдлууд цөөнгүй гарсан гэсэн судалгаа байдаг аж.

Эдгээрт үндэслэн УИХ-аас өнгөрсөн оны 9 дүгээр сарын 4-ны өдөр “Ажилласан жил, тэтгэврийн даатгалын шимтгэлийг нөхөн тооцох тухай хууль” баталсан. Хуулийн бүртгэлийн хугацаа энэ оны 10 дугаар сарын 01-ний өдөр дуусгавар болсон.

Харин нийт нийгмийн даатгалын байгууллагууд бүртгэлд нэрээ хамруулсан иргэдэд батламж олгож эхлээд байгаа юм байна. Одоогийн байдлаар 1-4 сарын хоорондох 1047 гаруй иргэдийн батламж ирсэн, олголтын ажил үргэлжилж байгаа аж. Дараагийн ээлжинд тав, зургадугаар сард бүртгүүлсэн иргэдийн батламжийг олгох юм байна.

Б.Буд