“Continental Hotel”-ын хурлын танхимд

09:00 цагт “Монголын уламжлалт анагаах ухааны бодлогын хэрэгжилт, цаашдын зорилт” сэдэвт зөвлөгөөн болно. Зөвлөгөөнд Эрүүл мэндийн дэд сайд Ж.Амарсанаа, ДЭМБ-ын Номхон далайн баруун бүсийн Уламжлалт анагаах ухааны зөвлөх С.Нарантуяа болон мэргэжлийн салбар зөвлөлийн төлөөлөгчид оролцоно.

Хангарьд ордны 14 давхарт

09:00 цагт Нийслэлийн ИТХ-ын ээлжит хуралдаан маргааш болно. Хуралдаанаар найман асуудал хэлэлцэнэ.

“Кемпински” зочид буудлын “Алтай” танхимд

11:00 цагт Хөдөлмөрийн яам ЖДҮ-ийг дэмжих зорилгоор "Олон улсын донор байгууллагуудын нэгдсэн уулзалт" зохион байгуулна.

МХЕГ-т

Даргын зөвлөлийн хуралтай.

10.00-10.40 Төмс, хүнсний ногооны хадгалалтын горим, зоорь агуулахын аж ахуйн эрхлэгчдийн үйл ажиллагаанд хийсэн шалгалтын дүн

10.40-11.40 Хот суурин газрын цэвэрлэх байгууламжийн үйл ажиллагаа, цэвэрлэгээний түвшинд хийсэн шалгалтын дүн

11.40-12.20 Бог малын сүрэг сэлбэх өсвөр хээлтүүлэгчийн баталгаажилтанд хийсэн хяналт шалгалтын дүнг тус тус хэлэлцэнэ.

Буянт-Ухаа дахь спорт цогцолборт

11:00 цагт жил бүр зохиогддог прокуроруудын дундах зургаан төрөлт спортын тэмцээний нээлт болно.

“Чингис Хаан” зочид буудалд

“Боловсрол ба мөнгө, чанар, хариуцлага” сэдэвт иргэний нийгмийн үндэсний чуулга энэ сарын 28, 29-нд болно. Чуулганд боловсролын ба хүний эрхийн, хөгжлийн бэрхшээлтэй иргэдийн,цөөнхийн хүүхэд, залуусын, эцэг эхийн, багш нарын байгууллага, бүлгүүд зэрэг нийгмийн олон талт төлөөлөл болсон 300 орчим хүн оролцоно.

ХАХНХЯ-ны хурлын танхимд

16.00 цагт ХАХНХЯ, НҮБ-ын Залуучуудын зөвлөх хороо хамтран сар бүр зохион байгуулдаг "Залуучуудын хөгжилд хамтдаа" залуучуудын байгууллагуудын  мэдээлэл солилцох ээлжит 12 дахь удаагийн уулзалт болно.

Монгол Японы төвд

12:00 цагт "Мэдээлэл, харилцаа холбооны үйлчилгээний хүртээмжийг нэмэгдүүлж, Сонсголын бэрхшээлтэй иргэдэд мэдээллийг хүртээмжтэй хүргэх нь" сэдэвт уулзалт, хэлэлцүүлэг болно.