Монгол улсын ууган даатгалын компани Монгол Даатгал компани нь 11 дүгээр сарын 21-ны өдөр харилцагч олонтойгоо 79 жилийн ойн баяраа хамтдаа тэмдэглэн өнгөрүүлсэн билээ. Харин энэ өдөр 2013 ондоо харилцагч түмэндээ хүрч үйлчилж, харилцагчдынхаа итгэлийг даан ажилласан тэргүүлэгч 3 салбар болох Улаанбаатар хотын салбар, Сонгинохайрхан дүүргийн салбар, Хан-Уул дүүргийн салбаруудаа ТЭРБУМТАН салбараар өргөмжиллөө.

Энэхүү өргөмжлөлийн ард харилцагчиддаа үзүүлж байгаа шуурхай үйлчилгээ, найдвартай бүтээгдэхүүн, иргэдийн хүлээлгэсэн итгэлийг даан ажилласан нөр их хөдөлмөр шингэсэн билээ. Аймаг бүрт болон хотод 6 салбартай нийт 29 салба,р 276 ажилтан, 656 төлөөлөгчтэйгээр үйл ажиллагаагаа явуулж байгаа, даатгалын салбарын тэргүүлэгч байгууллагын нүүр царай болон манлайлж буй ТЭРБУМТАН салбарууддаа болон харилцагч иргэд байгууллагууддаа баяр хүргэе.