Монгол, Оросын Засгийн газрын худалдаа эдийн засаг, шинжлэх ухаан, техник хамтын ажиллагааны 17 дугаар хуралдаан энэ сарын 26-27-нд Москва хотноо болсон.

Энэ үеэр Асгатын мөнгөний ордыг түшиглэн Монгол, Оросын шинэ компани байгуулж, ордыг эдийн засгийн эргэлтэд оруулахаар хоёр тал тохиролцов. Мөн  түлш эрчим хүчний салбарт хоёр орны хамтын ажиллагааг хөгжүүлэх замын зураглал хийх талаар хэлэлцэн тохирч, Түлш Эрчим хүчний дэд сайд Д.Доржпүрэв, ОХУ-ын Эрчим хүчний дэд сайд А.Б.Яновский нар баримт бичигт гарын үсэг зурж баталгаажуулжээ. Мөн дэд бүтэц, барилгын салбарт Монгол Улсын нутаг дэвсгэрээр дамжин ОХУ, БНХАУ-ыг холбох төмөр зам, авто зам, газрын тос болон байгалийн хийн хоолой, эрчим хүчний шугамыг барьж байгуулахад хамтран ажиллах тал дээр хоёр тал санал нэгдсэн байна.

Ц.Зол