Нийслэлийн Жижиг дунд үйлдвэрийг дэмжих төвөөс бизнес эрхлэгч аж ахуйн нэгжүүдийг дэмжих, тэдний үйл ажиллагааг олон нийтэд сурталчлах зорилгоор “Улаанбаатарт үйлдвэрлэв 2013" үзэсгэлэн худалдааг өчигдрөөс эхлэн зохион байгуулж байна.

Уг үзэсгэлэнд Улаанбаатар хотын шилмэл бүтээгдэхүүн үйлдвэрлэгч  130 гаруй үйлдвэр эрхлэгч, аж ахуй нэгж оролцож байгаа юм. Үзэсгэлэн худалдааны үеэр зургаан номинациар шилдэг бизнес эрхлэгчдийг тодруулж мөнгөн шагналаар урамшуулах аж. Мөн тэдэнд тулгамдаж буй асуудлын талаар холбогдох албаныхан санал солилцохоор төлөвлөжээ.

Үзэсгэлэн худалдаа маргаашийг хүртэл "Мишээл экспо" төвийн үзэсгэлэнгийн танхимд болж байгаа.

Б.Буд