ДЭМБ-аас Хятад улсад шувууны ханиад бүртгэгдсэн гэдгийг тогтоож жуулчдыг тус улсад очихгүй байхыг анхаарууллаа. Энэ сарын 6-нд H7N9 вирусаар халдварласан 139 тохиолдлыг лабораториор батлажээ. Уг өвчнөөр 45 хүн нас бараад байгаа аж. Индонезийн амьтан тэжээгч иргэн 36 настай Вань Зи шувууны ханиадны H7N9 вирус зөөвөрлөж авчирсныг мэргэжилтнүүд баталжээ. Тэрбээр Шенжен рүү аялахдаа халдвартай 10 гаруй шувууг тээвэрлэж явснаа хүлээн зөвшөөрсөн байна. H7N9 вирус нь шувуунаас хүнд халдварладаг гэдгээрээ ноцтойд тооцогддог юм.  

Хятадад сүүлийн хоёр жилийн хугацаанд шувууны ханиадын улмаас 1052 хүн амиа алджээ. Өнөөдрөөс эхлэн Хонконгт шувууг хар зах дээр худалдаалахыг болон шувууны махаар хийсэн хүнсний бүтээгдэхүүнийг борлуулахыг хоригложээ.  Бээжингийн Эрүүл мэндийн газраас Шенженээс амьд тахиа оруулж ирэхийг хориглосон байна.

Б.Дэлгэрцэцэг