Mаргаан дагуулсан Хөвсгөл аймаг Засаг даргад шинэ хүн дэвшүүлэх шийдвэрийг өчигдөр аймгийн ИТХ ээлжит 5 дугаар хуралдаанаас гаргажээ.  Л.Ганболдын нэрийг Ерөнхий сайдад гурван ч удаа өргөн мэдүүлээд төрийн алба хашиж байгаагүй гэдэг шалтгаанаар гурван ч удаа буцлаа. Гэтэл 2014 оны төсвөө батлах болохоор Засаг дарга байхгүй  тул төрийн ажил гацаанд ороод байна хэмээн аймгийн ИТХ-аас үзсэн байна.

fsd

Өчигдрийн ээлжит хурлаас өмнө намын бүлгүүд тус тусдаа хуралдаад Засаг даргын асуудлыг оруулсан аж. Тус аймгийн ИТХ дахь МАН-ын бүлгээс А.Эрдэнэбаатар гэдэг хүний нэрийг дэвшүүлсэн байна. АН-аас н.Амарбаясгалан гэдэг залууг нэр дэвшүүлсэн байсан. Тэрбээр Улаанбаатар хотын харъяат, Засаг даргын үүргийг түр орлон гүйцэтгэж байсан аж.

fds

ИТХ-ын нийт 41 гишүүний 25 нь А.Эрдэнэбаатарт, 16 нь н.Амарбаясгаланд санал өгснөөр А.Эрдэнэбаатар олонхийн санал авч Хөвсгөл аймгийн Засаг даргад нэр дэвшжээ. Ерөнхий сайдад түүнийг нэрийг өчигдөр өргөн мэдүүлсэн гэнэ. Ерөнхий сайд түүний нэрийг батламжлах эсэхээ ажлын гурван өдөрт шийдэж хариу өгөх ёстой аж. Ерөнхий сайд өчигдөр Архангай аймагт ажиллаж байсан тул өнөөдөр уг өргөн мэдүүлсэн нэртэй танилцаад хариу өгнө гэж Ерөнхий сайдын ажлын албанаас мэдэгдсэн гэнэ.

ёөйы

А.Эрдэнэбаатар нь Хөвсгөл аймгийн Засаг даргын Хөгжлийн бодлого, дэд бүтэц хариуцсан зөвлөхөөр ажиллаж байгаа ба УИХ-ын гишүүн Л.Энх-Амгалангийн Хөвсгөл аймаг дахь бие төлөөлөгчийн албыг давхар хашдаг юм байна. Өмнө нь тэрбээр Хөвсгөл аймгийн Хөдөлмөр халамж үйлчилгээний хэлтсийн дарга, аймгийн МАН-ын дэд дарга, хамгийн сүүлд буюу аймгийн Засаг даргын Хөгжлийн бодлого, дэд бүтэц хариуцсан зөвлөх болохоосоо өмнө Мөрөн сумын Засаг дарга хийж байсан туршлагатай нэгэн аж. Төрийн албыг аваад явчихаж чадна хэмээн ИТХ-ын төлөөлөгчид нь түүнд итгэл хүлээлгэсэн юм байна.

ый

П.Наран