Челси клубын хуучин босс Аврам Грант Британийн хэвлэлүүдэд ярилцлага өгөхдөө португали дасгалжуулагчид хугацаа өгөх хэрэгтэй гэжээ. Энэ улирлаас эхлэн Челсигийн ахлах дасгалжуулагчийн албан тушаалд ирсэн 34 настай Андре Вильяш Боаш сүүлийн үед багагүй шүүмжлэлд өртөөд байгаа билээ. Португали дасгалжуулагч шинэ ажилдаа ирснээс хойш Премьер лигт Челси клуб одоог хүртэл олигтой тоглолт гаргахгүй л байгаа. Лигийн хүснэгтэд эхний байрт жагсаж байгаа Манчестер Ситигээс даруй 10 оноогоор хоцорч тавдугаар байранд жагсаж байгаа нь Челсигийн хувьд базаахгүй үзүүлэлт юм. Тиймээс багийн эзэн Абрамович шинэ дасгалжуулагчаа “үлдэн хөөхөөр” завдаж байгаа гэх бор шувуу ч хэвлэлүүдээр нисэх болсон. Гэтэл английн Карлингийн цомд уржигдар Челси Ливерпульд 2:0-ээр хожигдож хасагдсанаар энэ асуудал Вильяш Боашийн хувьд түгшүүр дэгдээж эхэлсэн. Харин Челсигийн дасгалжуулагч Аврам Грант тус клубын азгүйтэл, уруудалт мэдээж дасгалжуулагчаас хамааралтай ч түүнд хугацаа өгөх хэрэгтэйг онцолсон ярилцлага хэвлэлд өгсөн нь Вильяш Боашийг бага зэрэг тайтгаруулсан болов уу. Абрамович ч гэсэн юу юугүй шинэ улирал дундаа ч орж амжаагүй байхад дасгалжуулагчаа сольж хугацаа алдаж азаа сорихыг хүсэхгүй нь тодорхой бизээ.