Монгол инженерүүд нийтийн тээврийн үйлчилгээнд явах автобус анх удаа үйлдвэрлэж байна. “Цахилгаан тээвэр” компани троллейбус, цахилгаан болон дизель хөдөлгүүртэй дуобус үйлдвэрлэж байсан бол “Эрдү” компани өөрийн сан хүүжилтээр JEA-800М загварын  автобус угсарч байгаа аж. Шинэ жилийн баярын өмнө замд гаргахаар төлөвлөсөн монгол автобусны эд ангийг ОХУ, Япон, БНСУ, Хятадаас авчирчээ. Машин угсарч буй инженер техникийн ажилтнуудаа дээрх орнуудад сургасан байна. Монгол автобус нь түлш бага зарцуулна. Евро стандарт гурвыг хангасан. Энэ нь хорт утаа бага ялгаруулдаг, хурд сааруулах цахилгаан механизмтай гэнэ.