УИХ-ын дарга З.Энхболд чуулганы нэгдсэн хуралдааны эхэнд гишүүдэд  баяртай мэдээ уншиж сонсголоо. Тэрбээр  Монгол гэрийг урлах  болон монгол бичгийг ЮНЕСКО-д албан ёсоор бүртгэж авсныг дуулгав. Монгол уран бичиг нь яаралтай хамгаалах жагсаалтад, монгол гэр нь биет бус өвд багтаж байгаа юм. Ингээд УИХ-ын дарга гишүүддээ хандан  “Та бүхнийг монгол бичгээ хурдан сурахыг хүсье. Надаас эхлээд монгол бичгээ мэдэхгүй нөхөд байгаа шүү” хэмээн анхааруулав.  Ер нь  цаашдаа ЮНЕСКО-д бүртгүүлсэн өв соёлоо хамгаалах ажлыг өөрсдөөсөө эхлэн, монгол бичиг сурах аянг эхлүүлвэл ямар вэ?

Н.Нягт