Нийслэлчүүдийн шүдний өвчин болоод байгаа утаанаас хэрхэн салах тухайд АН-ын бүлгийн дарга Д.Эрдэнэбат санал дэвшүүлсэн байна. Тэрээр автомашины дугуйны су­далгаа гар­гуулж байгаа талаар ам алдаж. Монголд импортоор оруулж ирж буй автомашины дугуйны хэдэн хувь нь шинэ, хэдэн хувь нь хуучин дугуй болох, тэдний хог хаягдлыг хэр­хэн шийдвэрлэж байгаа талаар судалгаа явуулж байгаа юм байна. Судалгаагаар Монголд ашиглалтаас гарч буй дугуйнуудын ихэнх нь зууханд  түлэгдэж байна гэсэн дүр зураг гарчээ.  “Яг үнэндээ нэг хүний эрх нөгөө хүний амьд явах, эрүүл амьдрах эрхээр хязгаарлагддаг. Тиймээс хорт утаанаас салахын тулд нэн түрүүнд ду­гуй шатааж байгаа зуух­ны янданг хориглох ёс­той” гэсэн саналыг тэрбээр дэвшүүлжээ.  Үүний тулд нүүрснээс хий боловсруулах үйлдвэрийг Бага­нуурт барьж, Улаанбаатар руу хийн хоолой татах ажлыг гурван жилийн дотор Засгийн газар хийх ёстой аж.

Ингээд  Улаанбаатарын айлуудын янданг шат дараатай буулгана. Янданг цэгцэлсний дараа гэр хо­рооллыг халаах олон арга байна. Цахил­гаанаар халааж болно. Цахил­гаанаар халаавал төрөөс цахил­гаа­­ны төлбөр мөнгийг нь бодло­гоор шийдэх боломжтой хэмээн Д.Эрдэнэбат гишүүн үзжээ.  Ажил хэрэг болдог бол сайхан л санаа байна.

Н.Нягт