Дуучин Кейти Перри “In style” сэтгүүлд ярилцлага өгчээ. Сэтгүүлч түүнээс “Та саяхан НҮБ-ын элч төлөөлөгч болсон. Мэдээж НҮБ  Өмнөд Африкийн анхны хар арьст Ерөнхийлөгч, хүний эрхийн төлөө цогтой тэмцэгч Нельсон Манделаг алдсандаа их л харамсч байгаа гэдэг нь тодорхой” хэмээн асуужээ.  Харин Кейти Перри, маш чангаар инээснээ “Та больдоо Нельсон Мандела үхээгүй шүү дээ, Бид хоёр хамт ярилцаад сууж байхад тэр халуун хөнжилдөө унтаж байгаа биз” хэмээн хариулсан нь ихээхэн шүүмжлэлд өртжээ.

Олон нийтийн сүлжээгээр дуучин бүсгүйг НҮБ-ын элч төлөөлөгч болсноосоо ич, илүү ухаантай ухаалаг болсныхоо дараа элч төлөөлөгч болоорой хэмээх сэтгэгдлүүд хөвөрсөн байна.

Кейти “Twitter” хуудсаараа дамжуулан, “Ээ бурхан минь, Нельсон Мандела таалал төгсөөд дөрвөн хоночихсон байж. Би өнөөдөр л мэдсэндээ өөрөөсөө ичиж байна” гэжээ.

Б.Дэлгэрцэцэг