Бид 2011 онд Америкийн үндэсний сагсан бөмбөгийн холбоотой хамтран ажиллах гэрээнд гарын үсэг зурснаар Монголд анх удаа NBA-ийн тоглолтуудыг өдөр бүр дамжуулж эхэлсэн юм.

2012 оноос Италийн хөлбөмбөгийн тэргүүн лиг болох Сери А-г албан ёсны эрхтэйгээр шууд дамжуулж эхэлсэн нь мөн Монголдоо анхны тохиолдол нь болсон.

Энэ хугацаанд зөвхөн дээрх хоёр тэмцээнээр зогсохгүй тив дэлхийн чанартай томоохон тэмцэн уралдаанууд болох ДАШТ, Олимпийн наадмыг шууд нэвтрүүлсэн.

Мөн бид Монголоос анх удаагаа жүдо бөхийн "Чингис Хаан Улаанбаатар 2013 Гранпри" тэмцээнийг дэлхийн 160 гаруй оронд шууд дамжуулсан нь энэ онд бидний хийсэн хамгийн том ажил байлаа. Цаашид ч үйл ажиллагаагаа улам илүү өргөжүүлж ажиллахаар зэхээд байна. 2013 оны 12 сараас эхлэн бид дуу дүрсний өндөр нягтралтай HD форматлуу шилжиж эфирээ HD-ээр цацаж 2014 оны долдугаар сарын 1-ээс Монгол орон тоон системлүү шилжих хөтөлбөрт бэлэн болоод байна.

Монголын анхны 24 цагийн албан ёсны эрхтэй спортын суваг болох SportBOX нь тун удахгүй төлбөрт сувгийн системд шилжих гэж байна. Энэ нь хэрэв та SportBOX сувгийг үзэхийг хүсч байгаа бол өөрийн кабелийн хураамж дээр тодорхой хэмжээний нэмэлт хурааж төлөх ёстой гэсэн үг юм.