Ерөнхий сайд Н.Алтанхуяг Кувейт улсаас Монгол Улсад суугаа Онц бөгөөд Бүрэн эрхт Элчин сайд Халид Иатим Аль Фадлиг хүлээн авч уулзсан байна. Элчин сайд Халид Иатим Аль Фадлид  Элчин сайдаар томилогдон ирсэнд Ерөнхий сайд баяр хүргээд Монгол Кувейтийн уламжлалт найрсаг харилцаа, хамтын ажиллагааг өргөжүүлэхэд хүчин зүтгэл гаргана гэдэгт найдаж байгаагаа хэлжээ. Элчин сайд Халид Иатим Аль Фадли Ерөнхий сайдыг хүлээн авч уулзсанд талархснаа илэрхийлээд цаашид хоёр улсын хооронд зөвхөн эдийн засгийн хүрээнд бус соёл, боловсролын салбарын хамтын ажиллагааг өргөжүүлэхэд өөрийн хувь нэмрийг оруулан ажиллах болно гэдгээ хэлсэн байна.

Д.Цэцэг