Нийслэлийн Авто замын газрын захиалгаар Чингэлтэй дүүргийн хоёрдугаар хорооны нутаг дэвсгэр буюу Бөмбөгөр худалдааны төвийн баруун талд явган хүний гүүрэн гарц баригдаж буй. Нийслэлийн төсвийн хөрөнгө оруулалтаар “Ди Вай Кэй Би” ХХК энэхүү ажлыг гүйцэтгэж байгаа бөгөөд өнөөдрийн байдлаар гүүрэн гарц барих барилгын ажил 60 хувьтай хэрэгжиж байгаа аж.

f

Тодруулбал, гүүрэн гарцын трасст орсон рекламын самбар, цахилгаан ба холбооны кабель шугам зэрэг объектыг шилжүүлж, тулгуурын суурийн ухмал, бетон цутгалтын ажлууд хийгджээ. Хайс, гэрэлтүүлэг, явган болон цахилгаан шатны угсралт, тэжээлийн цахилгаан холболтын ажлыг энэ сарын 30-нд бүрэн гүйцэтгэж дуусгах төлөвлөгөөтэй ажиллаж байгаа юм байна.

fs

П.Наран