Хүйтний эрч чангарч эхэлсэн энэ өдрүүдэд ханиад томууны өвчлөл нэмэгдэж байгааг ХӨСҮТ-өөс анхааруулж байна. Учир нь дүүргүүдийн эрүүл мэндийн нэгдлийн хүүхдийн тасагт хэвтэн эмчлүүлэгсэд эрс нэмэгдэж байгаа тул аль болох хүүхдээ гэрээр эмчлэхийг эмч, мэргэжилтнүүд зөвлөж байна. Энэ талаар хүүхдийн эмч О.Гүнчин-Оюунтай цөөн хором ярилцлаа.

-Маш өндөр хэмтэй халуурдаг ханиад хүүхдүүдийн дунд ихээр гарах боллоо. Ханиад, томуунаас хэрхэн сэргийлэх вэ?

-Хүний бие организм 108 тэрбум эсээс тогтдог. Эсийн бүтэц зөв байвал хүүхэд өвчлөхгүй. Эсийн бүтэц буруу болохоор л хүүхэд өвчилж байгаа юм. Эсийн бүтцийг зөв байлгахын тулд хүний биед гаднаас орж ирж байгаа хоол хүнсээ л анхаарах хэрэгтэй. Уураг, амин дэм, эрдэс бодис, ислэг, өөх тос, нүүрс ус, ус гэсэн долоон зүйлийг тэнцүү хэмжээтэй өгөх  ёстой. Тэгвэл хүүхэд, том  хүн аль нь ч өвчлөхгүй. Өвчин гэдэг эзэндээ гомдсон эсүүдийн ажил хаялт гэсэн үг. Эсийн бүтцийг зөв болгох хэрэгтэй. Эсийн бүтцийг зөв болгохын тулд усны солилцоог байнга хийх нь чухал. Ус уухгүй болохоор хүний бие эрхтэн дотор байгаа усаа хадгалж эхэлдэг. Саванд ус хийгээд таглаад гурав хоноход л мууддаг шүү дээ. Хүний бие ус уухгүй болохоор эрхтэн болгондоо ус хадгалдаг юм. Усны солилцоо хийхгүй бол уушгиндаа ус хадгалж тэр нь ханиад болдог. Хоолой, эд эрхтнүүд өвддөг. Тухайлбал,  13 кг жинтэй хүүхдэд хоногт 1.3 литр усыг заавал уулгах ёстой юм. Тэгэхээр тархины даралт ихсэхгүй, ханиад хүрэхгүй байж чадна.

Хоёрдугаарт хоолоо зөв зохицуул. Цагаан будаа, цагаан гурил, хүүхдийн будаа, гоймон, пүнтүүз, төмс зэргийг аль болох идэхгүй бай. Эдгээр нь нарийн гэдэсний хананд очиж цавуулагдаж өөх тос, судасны хананд их хэмжээний  бохирдол үүсгэдэг. Нарийссан судсан дээр цусны урсгал удааширч, зүрхний ачаалал ихэсдэг. Ингээд ирэхээр хүүхэд амьсгаадаж эхэлдэг юм. Зөв бүтэцтэй хоол идвэл нарийн гэдэснээс цусанд шимэгдэж тэжээллэг бодисоо авбал хүүхэд өвчлөхгүй. Гаднаас орж байгаа амин дэм, уураг тос хангалтгүй болохоор л эд эс өвчилж байгаа юм. Уургийн бүтцийг засаж байдаг хүнсний бүтээгдэхүүн бол шош, вандуй, дүпү, сүү, бяслаг, тараг зэрэг байдаг. Хүүхэд хоногт таван гр уураг авах ёстой. Ислэг ихтэй хоол идэж, усаа сайн ууж хөдөлгөөнтэй байвал хүүхэд, том хүн аль нь ч өвчлөхгүй.

-Таны хэлсэн зөвлөгөөг дагаад явбал ханиад томуунаас сэргийлж чадах уу? 

-Томуунаас 100 хувь сэргийлнэ. Би дахиад хэлье. Усаа сайн ууж, хүүхдийнхээ уургийн тооцоог хийж уургийг нь сайн нөхөөд өгөх хэрэгтэй.

-Эмнэлгийн хүүхдийн тасгууд маш ачаалалтай ажиллаж байна. Гэрээр хүүхдээ хэрхэн эмчлэх талаар зөвлөгөө өгөхгүй юү? 

-Дээр хэлсэн зөвлөгөөг дагаад мөн болж өгвөл гэртээ гадны хүн ирэх үед хүүхдээ амны хаалттай байлгах хэрэгтэй байна. Хүүхдийнхээ аяга тавгийг тусгаарла. Болж өгвөл хүүхдийнхээ өрөөг  тусгаарлавал бүр сайн. Гэрээ тогтмол ариутгаж угааж, хүүхдэдээ витамин сайн өгвөл дархлаа сайжирна. Дээр нь алоэтой ус уулгаад байвал дархлаа сайтай хүүхэд болно. Гэрт байгаа том хүмүүс хамар, хоолой,  залгиурынхаа  бактерийг устгаж байнга амаа зайлаад байвал ханиад томуунаас сэргийлэх боломжтой. Түүнчлэн хүүхдэдээ иллэг, массаж хийвэл илүү үр дүнтэй.

-Та хүүхдийн гар, хөлийн хурууг хатгаж эмчлэх юм. Энэ ямар учиртай юм бэ?

-Хүүхэд өвдлөө гэхэд өвчний бүх хог хаягдлаа хөл, гарын хуруу руу өгдөг. Өвчний хорыг шиддэг гэсэн үг. Тиймээс гар, хөлийн хурууг хатгаж муу цусыг гадагшлуулдаг юм. Гар, хөлийн хуруунд өвчний вирус шингэсэн байдаг.

-Ханиад хүрэнгүүт антибиотик өгөх нь хэр зөв арга вэ? 

-Маш хүнд өвчилсөн хүүхдэд өгөхөөс өөр аргагүй.  Гэхдээ аль болох антибиотик хэрэглэхгүй байх нь дээр. Яагаад гэвэл антибиотик элэг, бөөрийг хордуулж, эцэстээ арьсаар  тууралт гардаг. Мөн нарийн гэдэсний хананд шимэгдэхгүй, цавуулаг болж үлддэг. Тийм учраас ямар ч тохиолдолд хүүхэд, томчууд ус сайн уух хэрэгтэй гэдгийг дахин хэлмээр байна.

Б.Одон