Монголын Хөрөнгийн бирж дээр өнөөдөр өдрийн арилжаагаар нийтдээ 31 ХК-ийн 51208 ширхэг хувьцаа арилжигджээ. Энэ өдөр нийтдээ 90 хэлцэл хийгдэж, 48 сая 979 мянга 62 төгрөгийн үнийн дүнтэй арилжаа явагдсан байна.

ТОП-20 индекс 15454.53 нэгж болж, өмнөх өдрөөсөө 65.05 нэгжээр буюу 0.42 хувиар өсчээ. Даваа гарагийн арилжаагаар  “Мон НАБ” 14.94 хувь, “Увс чацаргана” 12.20 хувь, “УБ-БҮК” 10 хувиар тус тус хувьцааны ханш нь өсч, өсөлттэй арилжаалагдсан компаниудыг тэргүүлжээ. Харин “Ноёт хайрхан” 14.83 хувь, “Улаанбаатар хивс” 14.19 хувь, “Алмаас” 13.04 хувиар хувьцааны ханш нь буурсан байна.

А.Жаргал