Шинэ жил айсуй. Аймаг сумдаараа нийлсэн шинэ жилийн үдэшлэг цэнгүүнүүдийн зар ч хаа сайгүй. Нутгийн зөвлөл, оюутны холбоодоос зохион байгуулж буй шинэ жилийн таксны шахааны үе ч эхэлж. Нутгийн зөвлөлийнхөн гайгүй албан тушаал хашдаг, хувийн компанитай нэгэндээ ер нь томчууддаа, оюутны холбооныхон найз нөхөд, хамаатан садандаа хүсэхгүй байсан ч шахдаг уламжлалтай. Сайн дураараа, хүслээрээ орох хүн төдийлөн байдаггүй учраас зохион байгуулсан, нутгийнхнаа нэг дор цуглуулсан нэр зүүхийн төлөө албан шахалтаар таксаа борлуулдаг. Хамгийн багадаа л 20 000 төгрөгийн такс авсан хүн хаячих ч хайран. Гэтэл аймгуудын шинэ жилийн арга хэмжээний таксын үнэ жилээс жилд нэмэгдэж, шахаанд өртөгсдийг бухимдуулж эхлэв. Энэ жилийн хувьд аймгууд 1 000-100 000 төгрөгийн үнэтэй шинэ жилийн арга хэмжээ зохион байгуулж байна. Дунднговь, Өмнөговь аймгийн оюутнуудын “Мөнгөн угалз” шинэ жилийн арга хэмжээ хамгийн хямд буюу 1000 төгрөгийн такстай болсон бол одоогоор хамгийн үнэтэйгээр 100 000 төгрөгөөр үнэлэгдсэн “Дорнодчууд хамтдаа” цэнгүүн тодроод байна. Араас нь 70 000 төгрөгийн такстай Говь-Алтайчуудын шинэ жил орж байна. Гоё чамин нэр, нутгийн бахархал, нэг дор цуглах боломж гэх мэтээр рекламдах шахааны шинэ жилүүд ямар үнэ өртөгтэйгээр зохион байгуулагдаж байгааг сонирхвол:

6

“Дорноговийн үдэш”-13 000

Хөвсгөл аймгийн Галт сумын шинэ жил- 60 000

Хөвсгөл аймгийн шинэ жил-38 000

Дундговь, Өмнөговь аймгийн оюутнуудын “Мөнгөн угалз”- 1000

Увс аймгийн “Хархираан гацуур” -25 000

“Ирээдүйн Алтай” холбооны 10 жилийн ой, шинэ жил- 65 000

Говь-Алтайчуудын шинэ жилийн үдэш -70 000

“Дорнодчууд хамтдаа” - 100 000

Хэнтий аймгийн “Залуу шонхор” -40 000

Баянхонгорын оюутнуудын шинэ жил -15 000

Булган аймгийн шинэ жил - 30 000

Баян-Өлгий аймгийн шинэ жил- 20 000

Баянхонгор аймгийн шинэ жил -15 000 төгрөгийн такстай байна.

7

В.Бат