Замын-Үүдийн гаалийн боомтод томоохон бүтцийн өөрчлөлт хийгдэж байгаа. Энэ хүрээнд Гаалийн Ерөнхий газраас Замын –Үүдийн Гаалийн газрын дарга, орлогч дарга, санхүүч нарыг томилон явуулж байгаа юм. Мөн 550 гаруй хүний дунд сонгон шалгаруулалт явуулж, 40 хүнийг сонгон, тус боомтод ажиллуулахаар болжээ. Урьд өмнө нь гаальд ажиллаж байгаагүй энэ залуус өнөөдөр тангараг өргөж, ажлаа хүлээн авах аж.