Стандарчлал, хэмжилзүйн газрын удирдлагын зөвлөлийн хурлын шийдвэрээр хэд хэдэн байгууллагад үндэсний тохирлын тэмдэг хэрэглэх эрхийн гэрчилгээ  болон цаашид хэрэглэх сунгалтын гэрчилгээг олгожээ. “Орифлейм Монгол” ХХК, "Сүү” ХК,  “М-Си-Эс Кока Кола” ХХК, “Хөвсгөл аяны жолоо” ХХК, “Хөвсгөл Титаник” ХХК зэрэг компанид уг гэрчилгээг олгосон байна. Тухайлбал, “Орифлейм Монгол” ХХК-д Швед улсаас импортолдог  20 төрлийн 567 нэрийн гоо сайхны бүтээгдэхүүнүүдэд  “Үндэсний тохирлын тэмдэг” хэрэглэх эрхийг энэ 12 дугаар сарын нэгнээс эхлэн гурав жилийн хугацаагаар  хэрэглэх эрхийг өгчээ.