МоАХ-ны даргаар ажиллаж байсан Г.Бошигт өөрийн төрсөн хүү Б.Хангарьдыг өнгөрсөн хоёрдугаар сарын 3-4-ны шилжих шөнө хувийн таарамжгүй байдлаасаа болж, согтуурсан үедээ цээжин газар нь удаа дараа хүйтэн мэсээр түрж амийг нь хороосон билээ.

Энэхүү хэрэгт нь Эрүүгийн хуулийн тусгай ангийн 91 дүгээр зүйл 91.1 дэх хэсэгт заанаар яллах дүгнэлт үйлдэж, Чингэлтэй дүүргийн шүүхээс 10 жил, нэг сар хорих ял оноож, ялыг чанга дэглэмтэй эрэгтэйчүүдийн хорих ангид эдлүүлэх шийдвэр гаргасан юм.

Гэвч тэрээр шүүхийн шийдвэрийг зөвшөөрөлгүй давж заалдах шатны шүүхэд гомдол гаргасан ч ялыг хэвээр үлдээсэн учраас хяналтын шатны шүүхэд ханджээ. Түүний гомдлыг  өнөөдөр Улсын дээд шүүхийн хяналтын шатны хуралдаанаар хэлэлцэхээр болжээ.

Б.Одон