Анх 1996 онд Б.Мягмар, Ц.Мөнхтөр нар бүх урлагийн шилдгийг тодруулах “Гоо марал” шагнал, хүндэтгэлийн үйл ажиллагааг санаачлан зохион байгуулж байжээ.

Түүнээс хойших зургаа дахь удаагийн “Гоо марал”-ын эздийг тодруулж, шагнал гардуулах ёслолын үйл ажиллагаа өчигдөр УДЭТ-т боллоо. Сүүлийн гурван жилийн турш бүтээгдсэн урлагийн шилдэг бүтээлүүдийг 12 номинациар өрсөлдүүлж , шилдгийн шилдгийг тодрууллаа. Бүх урлагийн тэргүүн дээд шагнал “Гоо Марал”-ын эзэн болсон бүтээлийг хүргэж байна.

о

1.Жүжгийн урлагийн шилдэг:  УДЭТ-ийн бүтээл  “Кихот ноён” сонгодог жүжиг

2. Дууны урлагийн шилдэг: ДБЭТ-ийн  “Кармина Бурана” дуурь

3. Бүжгийн урлагийн шилдэг: ҮДБЭЧ-ийн  “ Монголын их хатад” бүжгэн туульс

4. Дүрслэх урлагийн шилдэг:  Зураач Жалхаажавын Мөнхцэцэг “ SOS” дуу авиатай зөөлөн баримал үзэсгэлэн

5.  Утга зохиолын шилдэг: Дамдины Жамьян “ Чингис хаан” зөн билгийн роман

6. Дэлгэцийн урлагийн шилдэг: “ Висдом фильм” кино продакшн “Бодлын хулгайч” уран сайхны кино

7.    Радиогийн шилдэг:  МҮОНР-ийн  “ Монгол хэлний хичээл” радио реалити шоу

8. Телевизийн шилдэг: “НERO энтертайнмэнт” студийн  “ Монгол тулгатны зуун эрхэм” нэвтрүүлэг

9. Хөгжмийн урлагийн шилдэг: Хишигтогтохын Мөнх-Ертөнц  “Төгөлдөр хуур найрал хөгжмийн 2-р концерт”

10. Монголын урлагийг дэлхий дахинд сурталчилсан учир: “Домог” хамтлаг

11. Циркийн шилдэг: Монголын циркийн хөгжлийн сан

12. Монголын урлагт шинэ урсгал оруулж ирсний учир: “Блэк Бокс” лаборатори театрын “Дэлхийн сонгодог жүжгийн эмхэтгэл”

Б.Буд