Дэлхийн өндөр хөгжилтэй улс орнуудын бусад орноос ялгардаг нэгэн том ялгаа бий.  Тэр нь нийгэмд тулгарч буй аливаа тулгамдсан асуудлыг иргэд нь төрийн оролцоог хүлээлгүйгээр хоорондын итгэлцэл хамтын ажиллагаагаар шийдэх чадвартай байдагт оршино. Ийм боломж уг нь бүх улсын иргэдэд байдаг боловч аминч үзэл болон үл итгэлцэл нь хамтын шийдэл бий болгоход саад болсоор ирсэн билээ.

Өнөөдөр Улаанбаатар хотын иргэд бидэнд замын түгжрэл, утаа, хог, нийтийн тээвэр гээд олон тулгамдсан асуудал байгаа ба энэ бүгдэд бид төрөөс арга хэмжээ авахыг хүлээж гар хумхин сууна. Тэгвэл бид хоорондоо ухамсраараа нэгдэж итгэлцэл дээр тулгуурлаж нэг ч гэсэн асуудлаа өөрсдөө шийдэж чадна.  Гудамжинд хэвтэж байгаа хогыг аваад хогын саванд хийчихдэг, зам гарах гээд чадахгүй байгаа настай хүнийг дагуулаад хамт гарчихдаг, төөрсөн гадаадын жуулчинд заавал тусламж хүсэхийг нь хүлээлгүй өөрсдөө очоод зам заагаад өгчихдөг, бензин нь дууссан жолоочын машиныг асуулгалгүй түрээд өгчихдөг ийм л энгийн үйлдлээс бидний ирээдүйн тэмүүлж буй нийгэм эхлэнэ. Хоггүй гудамжинд тоглож өссөн хүүхэд том болсон хойноо хог тарихгүй, хүнд туслахыг харсан хүүхэд өөрийн мэдэлгүй дараа хэн нэгэнд тус хүргэнэ. Энэ бүх нэгнээ дэмжсэн үйлдэлд хүүхэд гэлтгүй насанд хүрсэн хүн ч амархан дасаж өөрөө тийм үйлдэл цаашид хийдэг болно. Ийм энгийн зүйлээс бид ирээдүйн том өөрчлөлтийг хийж чадна.

Тэгвэл бид өөрсдөө замын түгжрэлийг буурлах боломжыг олгож буй нэгэн ухаалаг систем бий болсныг дуулгахад таатай байна. Ухаалаг хотын эхлэл биднээс эхлэнэ. Хүн бүр тусдаа машинтай явах уу эсвэл зүг нийлэх хүмүүс дундаа нэг машинаар явах нь дээр үү? Хэрэв бид ажилдаа явахдаа, хүүхдээ хүргэж өгөхдөө, такси барихдаа дээр нь бүр хөдөө явахдаа зам нийлэх нэгнийгээ хамт аваад явбал энэ бидний хийж чадах хамгийн том хувь нэмэр биш гэж үү? Ингэвэл бид хотынхоо түгжрэлийг багасгахаас гадна шатхууныхаа мөнгө, үнэт цагаа хэмнэх боломжтой. Үнэхээр бид ухаалаг хотод амьдрахыг хүсч байгаа бол нэгэндээ итгэж хамтдаа асуудлыг шийдэх боломжыг www.UBtraffic.mn танд олгож байна. Одоо сонголт зөвхөн таных !