УИХ-ын чуулганы үдээс хойшхи нэгдсэн хуралдаан эхэллээ. Хуралдаанаар хоёр сайдыг огцруулах асуудлыг хэлэлцэн байгаа юм. Гишүүд энэ асуудлаар саналаа хэлж байна.

6

БХБ-ын сайд Ц.Баярсайхан:

-Монгол улсын эдийн засгийн өнөөгийн байдлаар талаар янз бүрийн дүгнэлт хийж байна. Хариуцлага бол парламентаас эхлэх ёстой. Гишүүд хуралдаандаа цагтаа ирдэг байх хэрэгтэй. Сахилга хариуцлага,ёс зүйгээ дээдэлдэг байх ёстой. Олонхи, цөөнх гэхээсээ ардчилсан сонгуулиар сонгогдсон түшээд нь намынхаа эрх ашгийг улс орныхоо эрх ашгаас доогуур тавьж байх ёстой юм. Одоо зөв бодлогын төлөө хамтарч, нягтарч ажиллах хэрэгтэй болов уу.  76 гишүүний дотор парламентад 1-6 удаа сонгогдсон хүмүүс байгаа. Ард түмний амьдрал ахуйг ямар байгааг асуух, шийдэх хүмүүс нь 76 гишүүн.  Улстөрчдийн хөлөөс боссон тоос ард түмний нүдэнд орж торж байна гэж Ерөнхийлөгч хэлсэн байдаг. Тийм учраас хамтарч ажиллах хэрэгтэй. Засгийн газарт хий ёстой зүйл маш их байгаа. Бидэнд санхүүгийн бололцоо зэрэг олон талын зүйл шаардлагатай байна.  Ард түмний амьдралыг сайжруулах, орон сууцжуулах гээд хийж хэрэгжүүлэх ажил их байгаа.

УИХ-ын гишүүн Д.Дэмбэрэл:

-Хууль зөрчигдөөд байна. Тиймээс энэ хоёр сайдыг огцруулах асуудлыг ярьж байгаа. Асар их мөнгө зарцуулж байна. Гэтэл үр дүн нь алга. Үнэ тогтворжуулахад гурван их наяд төгрөг зарцууллаа. Энэ бол өнгөрсөн дөрвөн жил МАН, АН хоёрын ард түмний өмнө өгсөн амлалттай тэнцэх мөнгө. Мөн бондын мөнгө. Нийтдээ долоон их наядыг төсвөөс гадуур зарцуулж байна. Энэ чинь хууль зөрчөөд байна. Хуулиар өрийг тодорхойлсон. Засгийн газрын бүх төсөвтэй холбогдож байгаа үүргийг өр гэнэ гэж хуульчилсан. Гэтэл Ерөнхий сайдаасаа эхлээд сайд нар бүгд буруу тайлбар хийж байна. Өрийг Ерөнхий сайд ингэж буруу тайлбарлах эрх байхгүй.

7

УИХ-ын гишүүн А.Бакей:

-Сөрөг хүчний шүүмжлэх сэтгэлгээ хөгжөөд бүтээлч сэтгэлгээ нь хөгжихгүй байгаа юм биш үү. Хоёр сайдын тухайд энд  яригдаж байгаа асуудалд авах гээхийн ухаанаар хандаарай. Би огцруулахын эсрэг байр суурьтай байна.

7

6

:

:

:6

ССАЖ-ын сайд Ц.Оюунгэрэл:

-Засгийн газар үйл ажиллагаагаа сөрөг хүчиндээ сайн ойлгуулж чадаагүйгээс өнөөдрийн байдалд хүрч байна уу. Ардын намынхан эдийн засгийн азтай үед сөрөг хүчин барьж байжээ. Энэ нь Оюутолгойгоос гэхэд долоон тэрбум ам.долларын хөрөнгө орж ирж байсан. Гэтэл энэ үед зээл авч л байсан байх юм. Оюутолгойн их хөрөнгө оруулалт зогссон, дараагийн ээлжийн үе хүлээгдэж байгаа завсрын үе. Ашгийг дагаж хөрөнгө оруулалт орж ирдэг.

7

6

УИХ-ын гишүүн З.Баянсэлэнгэ:

-Өнөөдөр дөрвөн ихэр хүүхэд төрлөө. Тэднийгээ эрүүл саруул өсгөн хүмүүжүүлэх ёстой. Гэтэл бид цэцэрлэг, сургууль, эмнэлгийн асуудал гацаатай байна. Өнөөдөр өршөөлийн хуулийг хүлээж байгаа иргэд байна.  Эмнэлгийн зориулалтаар барьсан барилгыг оффеси болголоо.  Тиймээс бид Засгийн газарт хариуцлагыг тооцсон шиг тооцно.

7

6

6

УИХ-ын гишүүн Д.Лүндээжанцан:

Алтан цээжтэй, мөнгөн бөгстэй, алмаазан толгойтой Засгийн газар гээд л магтаад байх юм. Бодит амьдралтай харах хэрэгтэй. Хоёр сайдыг огцруулах асуудал тавьсан маань буруу биш гэж бодож байна.

7

5

5

.

_

ХАХНХ-ын сайд С.Эрдэнэ:

-Шүүмжлэх, хяналт тавих нь сөрөг хүчний үүрэг. Гэхдээ бүх зүйлийг харлуулах гэж оролдоод байна. 70-80 жил Монголын төрийг ээлжгүй эзэгнэчихээд ард түмэндээ хайртай юм шиг ярих юм. Үүнийгээ болих хэрэгтэй.

7

6

5

_

_

Монгол Улсын Ерөнхий сайд Н.Алтанхуяг:

-Огцруулах санал тавьж байгаа МАН-ынхан ард түмэндээ хичнээн их хайртайгаа ярьж байна. Та бүхэн даваа гаригт огцруулах асуудал тавилаа. Түүний өмнөх долоо хоногт Японоос бонд босгох асуудал ярьж байсан юм. Их хохиролтой үйлдэл хийх юм. Арай хэтэрчихлээ, та бүхний үйлдэл.  Парламентад дуугарч байгаа үг бүхэн цаана нь эдийн засгийн агуулгатай мөнгө болоод байна. Ард түмэн, улс орноо бодож ажиллаач ээ. Ард түмний эсрэг үйлдэл хийхээ боль л доо.

7

Ийнхүү чуулганы нэгдсэн хуралдаан үргэлжилж байна. Гишүүд санал хэлж дууссаны дараагаар хоёр сайдыг огцруулах эсэх асуудлаар санал хураалт явуулах юм.

6

Н.Энхлэн