УИХ-ын дөрвөн байнгын хороо өчигдөр хуралдаж, байнгын хорооны даргад нэр дэвшүүлэх тухай асуудал хэлэлцэн Төрийн байгуулалт, Хууль зүй, Байгаль орчин, хүнс, хөдөө аж ахуй, Эдийн засгийн байнгын хорооны дарга А.Бакей, Ш.Түвдэндорж, Г.Баярсайхан, Б.Гарамгайбаатар нарыг улираан ажиллуулахаар шийдвэрлэсэн.  Тэгвэл зарим байнгын хороо өнөөдөр үдээс хойш хуралдаж, байнгын хорооны даргад нэр дэвшүүлэх тухай асуудал хэлэлцэв. Аюулгүй байдал, гадаад бодлогын байнгын хорооны даргад УИХ дахь МҮАН-МАХН-ын “Шударга ёс” эвслийн бүлгээс УИХ-ын гишүүн Ц.Оюунбаатарыг нэр дэвшүүлснийг хуралдаанд оролцсон гишүүдийн олонх дэмжлээ.

Мөн Нийгмийн бодлого, боловсрол, соёл, шинжлэх ухааны байнгын хорооны даргад УИХ дахь МҮАН-МАХН-ын “Шударга ёс” эвслийн бүлгээс УИХ-ын гишүүн Д.Батцогтын нэрийг дэвшүүлснийг байнгын хорооны гишүүдийн олонх дэмжсэн байна.

Харин Өргөдлийн болон Төсвийн байнгын хорооны хуралдаан хойшиллоо.