Монголын Жиу-Жицу бөхийн улсын аварга шалгаруулах тэмцээн энэ сарын 12-нд эхлэх гэж байна. Энэ төрлийн бөхийн тамирчдын барилдааны хариуцлага, ур чадварыг өндөржүүлэх, тэмцээний шинэлэг хэлбэрийг дэлгэрүүлэх, Жиу-Жицу бөхийг улс орон даяар сурталчилах зорилготой аж. Мөн 2012 онд АНУ-д зохиогдох өсвөр үе, залуучууд, насанд хүрэгчдийн Дэлхийн аварга шалгаруулах, Япон улсад зохиогдох Ази тивийн аварга шалгаруулах тэмцээнд оролцох тамирчдыг сонгон шалгаруулах  аж. “Буянт-Ухаа” Биеийн тамир спортын шинэ ордонд болох бөгөөд дэлхийн Жиу-Жицу бөхийн дүрмээр явагдана. Шүүлтийг МЖЖБХ-оос томилогдсон шүүгчид IJJF-аас батлагдсан олон улсын дүрмийн дагуу шүүн явуулах юм байна.