Оны босгон дээр ХСИС-ийн зарим албан хаагчдыг төрийн одон медаль, агентлаг, байгууллагын цол, тэмдэгээр шагналаа. Монгол Улсын Ерөнхийлөгчийн зарлигаар Цагдаагийн эрх зүйн тэнхимийн дэд профессор, цагдаагийн хурандаа С.Бямбаа "Хөдөлмөрийн гавьяаны улаан тугийн одон"-гоор, “Цэргийн гавьяаны одон”-гоор Хилийн албаны тэнхимийн дэд профессор, дэд хурандаа Х.Жаргалсайхан нар энгэрээ цооллоо. Харин Цагдаагийн сургуулийн Эрүүгийн байцаан шийтгэх эрх зүйн тэнхимийн ахлах багш, цагдаагийн хошууч Б.Хишигтогтохыг хугацааны өмнө цагдаагийн дэд хурандаа цолоор шагнав.

Мөн Цагдаагийн сургуулийн Эрүүгийн эрх зүйн тэнхимийн эрхлэгч, цагдаагийн дэд хурандаа Д.Мягмарцэрэн, Цагдаагийн эрх зүйн тэнхимийн ахлах багш, цагдаагийн ахмад Б.Баянмөнх нарыг “Цагдаагийн гавьяа” тэмдгээр шагнасан бол тус сургуулийн эрүүгийн эрх зүйн тэнхимийн дэд профессор, цагдаагийн дэд хурандаа О.Амарсайхан, Шүүхийн шинжилгээний тэнхимийн ахлах багш, ахмад Б.Лхагвасүрэн нарыг “Хүндэт жуух” бичгээр шагнасан юм.

Хангамж, үйлчилгээний газрын хэвлэх үйлдвэрийн дарга, цагдаагийн ахмад Л.Одхүү “Онц хилчин”, Шинжлэх ухаан технологийн газрын Цагдаа судлалын төвийн дарга С.Жанцан “Хүндэт тэмдэг”, Ерөнхий эрдмийн сургуулийн Сэтгэл судлалын тэнхимийн эрхлэгч, хошууч О.Нэмэхханд “Хилчний алдар-II” цол тэмдгээр шагнагдсан. Түүнчлэн найман албан хаагч цагдаагийн цол, хоёр албан хаагч офицерийн бүрэлдэхүүнд орж, цагдаагийн дэслэгч цол авсан бол дөрвөн албан хаагч хилийн цэргийн цолоор шагнуулж, "Сонсогч оюутны холбоо"-ны шинэ удирдлагууд ахлах түрүүч, түрүүч цолоо авлаа.

Б.Буд