УИХ-ын гишүүн О.Баасанхүүг МАХН-ын дэд дарга Д.Тэрбишдагва намаасаа эелдэгээр хөөсөн байна. Д.Тэрбишдагва МАХН-аас гарахыг түүнд зөвлөсөн гэж О.Баасанхүү гишүүн твиттертээ бичсэн юм. Тэгвэл уг асуудлыг олон нийт ярихдаа БНСУ-д эмчлүүлж байгаа намын дарга Н.Энхбаяр эргэн ирж, түүнийг намаас гаргаж оронд нь оруулахыг санаатай үйлдэл гэж үзэж буй. Харин энэ асуудлыг УИХ-ын гишүүн О.Баасанхүү хэрхэн үзэж байгааг тодрууллаа.

gh

Таныг МАХН-аас хөөсөн гэж байна. Таныг намаасаа гарахаар УИХ-ын гишүүн байх эрхгүй болж, оронд нь намын даргыг нь оруулж ирэх гэж байгаа гэх мэдээлэл байна. Энэ талаар тайлбар өгөөч?

-Намын даргын хувьд эх орондоо иргээд ирж л таараа. Харин намын дарга иргэж ирээд миний оронд УИХ-ын гишүүн болно гэж байхгүй. Тийм юм гэж юу байхав. Яахав би твиттерээр жиргэсэн. “Д.Тэрбиш дарга намайг намаас гарахыг зөвлөв” гэж. Зөвлөв гэдэг чинь “гаргав, болив” гэсэн утга агуулаагүй. Хэвлэлийнхэн уг жиргээг хөгжүүлээд худлаа үнэн янз бүрийн юм бичсэн байна. Нөгөө талаасаа МАН, АН, МАХН дотор Н.Энхбаяр даргыг энэ улсад битгий ирээсэй, үхээсэй, улс төрд дахин орж ирэхгүй байгаасай гэж хүсдэг олон хүн байдаг. Тиймээс миний твиттерийг ашиглан жүжиг тоглоод байгаа юм. хэн тоглоод байгаа ч би мэдэж байгаа. Энэ нэгдүгээр сарын 7-ноос МАНАН-г дахин үүсгэхийн төлөө нилээн эрчимтэй ажил хийгдэх сураг сонссон. Гэхдээ миний хувьд МАХН бол намайг албан ёсоор хөөгөөгүй, хөөхгүй. Би ч МАХН-аас гарахгүй. Гэхдээ МАХН дотор бодлогын зөрүүтэй асуудлууд бий. Би эмнэлгийн тухай ярьж байгаа. Харин Засагт орсон удирдлагууд эмнэлгийн асуудлаар ярихгүй байгаа. Ерөнхий сайд бид хоёрын өчигдрийн яриаг сонссон байх.  Ерөнхий сайдаа, би тэмцэнэ, явна. Төсвийн тухай хуулийг хэрэгжүүлэхийн төлөө зүтгэнэ. Эвдэрхий байшин дээр эмнэлэг барих ёстой гэж ярьсан бол Ерөнхий сайдын хэлсэн шиг хотын төвд гэсэн шалтагийг хэлэх байсан. Гэхдээ Н.Алтанхуяг сайд 2012 оны төсөв дээр гараа өргөөд эмнэлэг байна гээд баталчихсан юм байна лээ. Одоо судлана гээд сууж байна. Хүн өөрөө өөрийгөө үгүйсгэж амьдрах муухай байдаг байхгүй юу.

gh

П.Наран