Өнгөрсөн оны аравдугаар сарын 16-ны өдөр Энэтхэгийн Калкута хотод 16 настай охиныг хүчиндэж, шатаасан аймшигт хэрэг гарсан. Уг хэргийн золиос болсон охины гэр бүлийнхэн Энэтхэгийн ерөнхийлөгчтэй уулзаж, гэмт хэрэгтнүүдэд зохих ял шийтгэл оноохыг шаардсан тухай “ВВС” агентлаг мэдээллээ. Одоог хүртэл хэрэгтнүүдэд ял оноогоогүй байгааг эсэргүүцэн Калкутта хотод 100 мянган иргэнийг хамарсан томоохон жагсаал болж байна.

Жагсагчид “гэмт хэргийг нуун дарагдуулж, чимээгүй өнгөрөөхийг хүсч байна” гэж цагдаа нарыг буруутгаж байгаа юм. Харин Мөрдөн байцаах албаны орлогч Мадхав Сантош Нимбалкар охиныг шатаахад оролцсон этгээдүүдийг баривчилсан гэдгээ хэлжээ. 16 настай охины үхэлд  холбогдуулан зургаан хүнийг сэжиглэн шалгаж байгаа аж.

5

Б.Дэлгэрцэцэг