“Олон нийтэд тулгуурласан гамшгийн эрсдэлийг бууруулах үндэсний дэд хөтөлбөр”-ийн хүрээнд Онцгой байдлын ерөнхий газар, “Дэлхийн Зөн Монгол” олон улсын байгууллагатай хамтран  “Говийн баавгай” сэдэвт газар хөдлөлтийн бэлэн байдал анхан шатны тусламжийн сургагч багш бэлтгэх давтан сургалтыг энэ сарын 12-19-ний өдрүүдэд зохион байгуулахаар төлөвлөж байна.

Тус сургалтад 17 аймаг, 7 дүүргийн нийт 144 сургагч багш хамрагдаж, анхан шатны тусламж, гал унтраах, газар хөдлөлтийн бэлэн байдлыг хангах аргачлалыг эзэмших бөгөөд эзэмшсэн дадлага туршлагаа орон нутгийнхаа 44 сургуулийн 15840 гаруй хүүхдэд зааж сургах юм.