“NBA”-ын ахмад тамирчин Деннис Родман “Хойд Солонгосын удирдагч Ким Чен Уны төрсөн өдрөөр хийсэн айлчлалаа улс төрийн томоохон алхам боллоо” гэж хэлсэн нь ихээхэн шүүмжлэлд өртлөө.

Тэрбээр хоёр жилийн дотор дөрвөн удаа Хойд Солонгост айлчлал хийсэн юм. “CNN” агентлагийн сурвалжлагч түүнээс “Таны айлчлал Хойд Солонгос дахь АНУ-ын хоригдлуудын тоог нэмэх биш үү” гэж асуухад, Ким Чен Уныг өмөөрч ихэд уурласан байна. Родман, Хойд Солонгост 15 жил ял эдэлж буй Кеннид Бэй хэмээх америк иргэнийг буруутгаж, ямар ч хэрэггүй хог гэжээ. Гэхдээ түүний эрүүл мэнд нь тун тааруу байгаа Кеннидийг суллахын төлөө удирдагчтай ярилцаж байсан тухайгаа ам нээсэн байна. Родманы айлчлалыг хүний эрхийг хамгаалагчид АНУ-ыг төлөөлж чадахгүй хэмээн шүүмжилжээ. “NBA”-ын ахмад тамирчид Хойд Солонгосын тамирчидтай нөхөрсөг тоглолт зохион байгуулж, Ким Чен Унд төрсөн өдрийн бэлэг барьжээ. Тус тоглолт 44-79 харьцаатай Родманы багын ялалтаар өндөрлөжээ.

Б.Дэлгэрцэцэг