УИХ-ын гишүүн С.Дэмбэрэл гишүүдийг “манай танай намаараа талцахад тун дургүй гэдгээ Төрийн байгуулалтын байнгын хорооны хуралдааны үеэр хэллээ. Тэрбээр “Бид хууль батлах ажил хийгээд байгаа юм. Та нар манай, танай намын үед ингэж байсан гэлцэх юм. Энэ жижүүрийнхээ хэллэгийг ул суурьтай хууль ярьж байгаа үед энгийн оюун ухаантай хүний ёсоор  зөвшилцвөл ямар вэ. Хууль хэлэлцэж байгаа үед намаараа талцана гэдэг чинь нам руу хандсан, эсвэл өнгөрсөн түүхийг хүүрнэн өгүүлсэн зүйл юм. Хуулиа л хэлэлцээд явъя.” хэмээн МАН, АН-ын гишүүдэд зөвлөнгөө “Намуудын бүлгийн хооронд зөвшилцөх асуудлыг бүлгийн дарга нар зөвшилцөөд орж ирж болох уу” гэж хүлээ.   Үүнд УИХ дахь АН-ын бүлгийн дарга Д.Эрдэнэбат хэлэлцэж байгаа асуудалтай холбогдуулан  “ Энэ асуудлаар би  МАН-ын бүлгийн дарга С.Бямбацогттой ярьсан. Гэтэл үгүйсгэсэн хариулт хэлсэн” гэсэн бол  УИХ дахь МАН-ын бүлгийн дарга С.Бямбацогт “Зарим хүмүүс асуудлыг бууж өгөхгүй гэж зүтгэсэн юм болов уу даа. Ер нь зарим хүмүүс өнгөрсөн үе рүүгээ зүтгэдэг.  Эрх баригчид өөрсдөө санаачлагатай байх юм бол бид буруу ишилсэн сүх шиг байхгүй шүү  дээ” хэмээн учирлав.

Н.Нягт