Сүхбаатар дүүргийн нийтийн үйлчилгээ, зам талбайг хариуцсан тохижилтын компаниудын нэг болох “Сүхбаатар тохижилт” ХХК-ийн 60 гаруй ажилтан ажилгүй болсон талаарх мэдээллийг өнөөдөр Хэвлэлийн хүрээлэнд хийсэн.

7

Тодруулбал, өнгөрөгч оны сүүлчээр Улаанбаатар хотын Ерөнхий менежер Б.Бадралын  гаргасан тушаалын дагуу “Нийтийн үйлчилгээний Улаанбаатар нэгтгэл”-ийг байгуулсан. Үүнтэй холбоотойгоор “Сүхбаатар тохижилт” ХХК-ийн 120 гаруй ажилчны зам талбай хариуцсан 60 гаруй хүн ажилгүй болоход хүрчээ. Гэхдээ тус ХХК-ийн захирал Ц.Баттүвшин “Улаанбаатар нэгтгэл” орон нутгийн өмчит аж ахуйн тооцоот үйлчилгээний газрынхантай уулзаж, учир байдлыг танилцуулж ойлгуулснаар уг 60 гаруй ажилтныг нэг  сарын хугацаанд ажлын байраар хангахаар болжээ.

7

Энэ тухай түүнээс тодруулахад “Манай компанийн ажилчид Сүхбаатар дүүргийн нутаг дэвсгэрт үйлчилгээ үзүүлдэг. “Улаанбаатар нэгтгэл” байгуулагдаж, бүх тохижилт үйлчилгээний компаниуд нэгдэж байгаатай холбоотойгоор манай хэсэг ажилчин ажилгүй болоход хүрлээ. “Улаанбаатар нэгтгэл” ОНӨААТҮГ-тай ярилцаж, цагаан сарын баяр болох гэж байгаа тул цэвэрлэгээ үйлчилгээний ажил их байгаа учраас нэг сарын хугацаанд хүмүүсээ ажилтай болголоо. Цаашид яахыг мэдэхгүй байна” гэж ярилаа.

7

Б.Буд