11-р сарын 26-нд НАТО-гийн нисэх хүчин агаарын цохилт өгөхдөө алдаа гаргаж Пакистаны 24 хилчдийн амь насыг хороосон үйлдлийн төлөө долоо хоногийн дараа АНУ-ын ерөнхийлөгч Барак Обама Пакистаны ерөнхийлөгч Асиф Али Зардаригаас уучлалт гуйлаа. Энэ ажиллагаа нь урьдчилан бэлтгэсэн дайралт байгаагүй учраас энэ асуудлыг бүрэн хэмжээгээр мөрдөн байцаана гэдгээ ч амласан байна. НАТО-гийн нисдэг тэрэгнүүд 11-р сарын 26-нд Афганистаны хилээс холгүй орших Пакистаны хилийн харуулын цэгт цохилт өгсөн. Энэ үеэр Пакистаны армийн 24 цэргийн албан хаагч амь үрэгдэж хэд хэд нь шархадсан юм.