Авлигатай тэмцэх газрынхан өчигдөр Гадаад харилцааны яамны Консулын газрын захирал болон Батлан хамгаалах яамны газрын хоёр дарга н.Батсайхан , н.Жаргалсайхан , Батлан хамгаалахын сайдын зөвлөх , “Монгол-999” нэгдлийн тэргүүн Л.Ариунболд нарын таван хүнийг саатуулжээ. Тодруулбал, тэднийг генерал Т.Дашдэлэгийн хэрэгт холбогдсон байж магадгүй гэх үндэслэлээр саатуулсан байна. Баттай эх сурвалжийн мэдээлж буйгаар уг хэрэгт Засгийн газрын гишүүн ч холбогдсон байж магадгүй болоод байгаа гэнэ.

Генерал Т.Дашдэлэг нь “Миг-21” байлдааны онгоцны хөдөлгүүрийг БНАСАУ-д худалдах гэрээ байгуулсан, “Ми-8” нисдэг тэрэг худалдах гэж байсан , Батлан хамгаалах яамны эд хөрөнгийг зувчуулсан хэрэгт давхар буруутгаж байгаа юм. Түүнд энэ сарын 6-нд анхан шатны шүүхээс ял оноогоод байгаа юм.

Б.Одон