Хятадын Сичунь мужийн Жианше тосгонд нийт 13 сая юань буюу 2.1 сая ам.доллароор хоёр метрийн өндөртэй хана босгосон тухай “ВВС” агентлаг мэдээллээ. Мөнгөн тэмдэгтээр хана барих болсоноо нутгийн удирдлагууд “Жил бүрийн цагаан сарын өмнө авдаг хувьцааны ашгаас олсон мөнгө. Тиймээс ард түмэн ч гэсэн энэ бүхнийг сонсох биш харах учиртай” гэж тайлбарлажээ.

1

Мөнгөөр хана босгохын тулд 13 сая юанийг цэргийнхэн хамгаалан авчирч, тосгоны удирдлагууд болон оршин суугчдад тараажээ. Мөнгийг тосгоны иргэдэд тарааж өгөхийн тулд бүтэн хоёр өдөр зарцуулсан учир 100 гаруй цэрэг, цагдаагийнхан гэмт хэрэг гарахаас урьдчилан сэргийлж, манаж хоносон аж. Хамгаалалтад ажиллаж байсан Вань Лигийн хэлснээр “Цагдаа нар шөнийн цагаар мөнгийг манаж хонохдоо найман сая юаниар гудас хийж, 4.2 сая юаниар дэр хийж, мөнгөн дээр нь унтаж үзсэн” гэжээ.

Жианше тосгоны оршин суугчид 2010 оноос эхлэн орон нутгийн албаныхны санаачилсан бага оврын усан цахилгаан станцын төсөлд хөрөнгө оруулж, хувьцаа эзэмших болсноор жил бүр ийнхүү ашгаа хүртдэг болжээ.

1

Б.Дэлгэрцэцэг