Нийслэлийн ИТХ-ын Тэргүүлэгчдийн энэ оны анхны хуралдаан өнөөдөр 10.00 цагаас эхэлнэ. Хуралдаанаар бага дунд боловсролын сургуулийн барилга, өргөтгөлийг, Баянгол дүүргийн 35 ортой хүүхдийн эмнэлгийг нийслэлийн өмчид бүртгэх тухай, Улаанбаатар-Орон сууц сангийн зөвлөлийн бүрэлдэхүүнийг батлах тухай зэрэг асуудлыг хэлэлцэх юм.

Мөн нийслэлийн хэмжээнд анх удаа зохион байгуулсан нийтийн эзэмшлийн зориулалттай өмчийн эд хөрөнгийн үзлэг тооллогын нэгдсэн дүн мэдээг НИТХ-ын Тэргүүлэгчдийн хуралдаанд танилцуулахаар болжээ. Түүнчлэн Азийн хөгжлийн банкны санхүүжилт, дэмжлэгээр 20 жилийн хугацаанд хэрэгжүүлэхээр төлөвлөж байгаа Баянхошуу, Сэлбэ дэд төвийн төсөл хэрэгжүүлэх нэгжийг байгуулах тухай асуудлыг хуралдаанаар хэлэлцэх юм байна.