Сүхбаатар дүүргийн нутагт өнгөрсөн сарын 23-нд нэгэн компанийн захирал өрөөнөөсөө цүнхтэй 60 мянган ам.доллар алдсан хэрэг  гарсан юм.

Тэгвэл цагдаагийн хулгайн гэмт хэрэгтэй тэмцэх хэлтсийн ажилтнууд, Сүхбаатар дүүргийн Цагдаагийн I хэлтсийнхэн хамтран шаргуу хөөцөлдсөний дүнд гэмт этгээдүүдийг уржигдар саатуулжээ.

Тодруулбал, уг хэргийг 55 настай Б үйлдсэн бөгөөд компанийн захирал цүнхээ өрөөндөө орхиод түр гарах хооронд орж мөнгийг нь авчихаад буцаж ирэхэд нь зөрөөд гарсан байсан юм.

Тэрбээр хулгайлж авсан мөнгөөрөө “Toyota kluger” маркийн автомашин худалдан авсан төдийгүй, баривчлагдахдаа уг машинаа жолоодож явжээ. Мөн уг хэргийн хамсаатан хоёр хүнийг энэ сарын 15-ны шөнө Налайх дүүргээс баривчилсан байна. Тэд хулгайлсан 60 мянган доллароосоо дахин нэг машин худалдаж авсан байжээ.

Б.Одон