Оросын телевизийн “Битва экстрасенсов” буюу манайхны мэдэхээр “Зөн билгийн тулаан” нэвтрүүлгийг манай телевизийн сувгууд цуврал үе тус бүрээр нь орчуулан хүргэдэг билээ.

Тэгвэл тус нэвтрүүлгийн 10 дахь удаагийн ялагч Мохсена Норузи “Монголын зөн билгийн академи"-ийн урилгаар ирэх сарын 3-нд Монголд ирэхээр болжээ.  Тэрбээр 2011 онд манай улсад ирж байсан юм.

Зөн билэгч Мохсена Норузи өмнө нь монголд хөл тавьсан даруйдаа монголчуудаас маш сайхан энерги мэдэрч байснаа орчуулагчаар дамжуулан хэлсэн гэдэг. Тиймээс монгол түмнийг эзэн Чингис хаан шигээ, түүний баатар цэргүүд шиг хийморьтой байхыг ерөөж байсан аж. Мөн монголчуудын дээшилж дэвших, монгол улсын гэрэлт ирээдүй маш ойрхон байгааг харж байгаагаа хэлж байжээ.

Сонирхуулахад, Мохсена Норузи өдгөө 53 настай, Ираны Тегеран хотод амьдардаг. Хоёр охин, зээгийн хамт амьдардаг. Тэрбээр ядуу гэр бүлд өссөн бөгөөд 13 наснаасаа далд хүчтэй харьцаж эхэлсэн гэдэг.

Б.Одон