Японы "Хонда" компани аюулгүйн дэрэнд нь согог илэрсэн 313 мянган машинаа дэлхий аль ч өнцгөөс татан авч засахаа зарласан байна. «Сивик», «Аккорд» загварын 2001-2003 онд үйлдвэрлэсэн машинуудын шахуургын гажигаас болоод аюулгүйн дэр нь дэлбэрэх аюултай байгаа ажээ. Эргүүлэн татах машинуудын дийлэнх нь буюу 280 мянга нь АНУ-д, 27 мянга нь Канадад байгаа бол, 2000-ыг нь Японд худалдаалсан байна. Урьд нь 2008-2010 онд үйлдвэрлэсэн тус компанийн машинуудаас мөн ийм согог илэрч, хоёр сая орчим автомашиныг засахаар эргүүлэн татаж байсан билээ. Аюулгүйн дэрээс болж нэлээд хэдэн осол гарсныг тус компани нуугаагүй байна.