“Дашваанжил” ХХК түлшээр ажилладаг автомашиныг бүрэн оношилж, тохиргоо хийх сүүлийн үеийн технологийг нэвтрүүлсэн талаар бид өмнө нь мэдээлж байсан.  2013 онд бүтээгдсэн “газ”-н автомашины оношилгоо, тохиргоог хийх тус төхөөрөмжийг БНСУ-ын  “EJO motors” компаниас оруулж ирсэн юм.

5

Өмнө нь манайд албан ёсны “газ”-н машины оношлогооны төв байгаагүй. Тиймээс тус оношлогооны төв нээгдсэн цагаасаа жолооч нарын талархлыг хүлээгээд эхэлжээ. Үйлдвэрлэгч компаниас 1 сарын хугацаатай мэргэшсэн инженер нь ирж, Драгон авто вокзалын урд байрлах, хийн түлш түгээх газар дээрээ оношлогоо тохиргоог хийж буй юм. “Дашваанжил” компанийн хамт олон удахгүй болох сар шинийн баярыг тохиолдуулан жолооч нартаа зориулж, хямдралтайгаар “газ”-н автомашиныг нь оношилж, тохируулж үйлчилж байна.

6

Д.Баатаржав: Энэ оношлогооны төхөөрөмж Монголдоо анхдагч

6

Бид “Дашваанжил” ХХК-ийн захирал Д.Баатаржав, “EJO motors” компанийн ерөнхий захирал Чо Хуан Гу нараас шинэ оношлогооны тоног төхөөрөмжийн талаар тодруулсан юм.

6

-Шинээр нэвтэрч буй оношлогооны төхөөрөмжийн талаар товч танилцуулаач?

-Бид БНСУ-ын хийн түлшээр ажилладаг автомашиныг оношилж, засварладаг “EJO motors” компанийнханыг урьж авчран ажиллагсаддаа хичээл заалгаж байна. Энэ багаж маань Монголын хийн түлшээр ажилладаг автомашины насжилт, хийн зарцуулалтыг оношилж, хэрвээ хийн зарцуулалт их бол үүний шалтгааныг олж тогтоон, эвдрэл гэмтлийг нь оношилж засварлах зориулалттай юм. Тиймээс энэхүү багажийг Монголд анх удаа нэвтрүүлж байгаа гэхэд болно.

6

Дижитал системээр оношилсны дараа хэрэглэгч өөрийхөө машины мэдээллийг цаасан дээр хэвлэн авч үзэх боломжтой. Уг цаасан дээр машиных нь форсункны үйл ажиллагаа нь доголдолтой байна уу, хөдөлгүүрийх нь кольци муудсан байна уу, яндангийн шүүр юм уу, хийн түлшнийх нь шүүр бохирдсон байна уу, агаар шүүгч нь муудсанаас их газ хэрэглээд байна уу гэх мэт маш нарийн эвдрэл гэмтлийг тодорхойлж харуулах юм. Иймээс Монголдоо анх удаа нэвтэрч байгаа оношлогооны төхөөрөмжөөр бид сар шинийн баярыг тохиолдуулан жолооч нартаа хөнгөлөлттэй нөхцлөөр үйлчилнэ. Мөн манайхаас хамгийн чанартай хийн түлшийг худалдан авах боломжтой юм.

6

-Одоогоор хичнээн оношлогооны төхөөрөмж оруулж ирсэн бэ?

-Одоогоор туршилтын журмаар нэг төхөөрөмж оруулж ирээд байна. Цаашдаа нэмж, хөдөө орон нутгийн салбарууддаа суурилуулах бодолтой байгаа.

6

-Танайх салбартаа үргэлж шинэ технологи нэвтрүүлж байгаад хэрэглэгчид талархалтай ханддаг. Үүнээс өмнө хамгийн сүүлийн үеийн хийн түлшний станцуудыг байгуулсан санагдаж байна?

-Манай компани өнгөрсөн жил дэлхийн стандартыг хангасан автомашины хий цэнэглэх станцуудыг байгуулсан. Энэхүү станц нь пропан, бутаны холимгийг тус тусад нь хийдэг тусгай савтай. Энэ нь 2007 оноос өмнөх буюу LPG-ээр ажилладаг хөдөлгүүртэй машин болон үүнээс хойших LPI системтэй автомашинд зориулагдсан. Өөрөөр хэлбэл, LPI системтэй автомашин нь өвөл дан бутанаар цэнэглээд явах боломжтой байдаг тул манай станцууд дээрх хоёр хийг тусад нь хадгаладаг давуу талтай байгаа. Энэ бол Монголдоо анхдагч үйлчилгээ юм.

6

Чо Хуан Гу: Автомашинаа газ хэр зарцуулж байгааг мэдэх боломж бүрдсэн

6

-Оношилгооны төхөөрөмжийн хамгийн гол давуу тал юу вэ?

-Бид Дашваанжил компанийн урилгаар Монголд хамгийн ихээр тулгамдаад байгаа агаарын бохирдлыг бууруулахад хувь нэмрээ оруулж буй “газ”-н автомашины хийн түлшний ашиглалтыг багасгах, эд ангийг нь оношлохын тулд ирсэн. Манай инженер сарын хугацаанд Монголд ажиллаж, Солонгосоос авчирсан тоног төхөөрөмжтэйгөө монгол мэргэжилтнүүдийг хэрхэн харьцах, хийн түлшээр ажилладаг автомашиныг хэрхэн оношилж засварлах сургалтыг явуулах юм.

 Монголд ирэхэд  газ их өндөр үнэтэй санагдлаа. Тиймээс газаар явж буй автомашин хийн түлшээ бага зарцуулах хэрэгтэй. Иймд жолооч нар өөрийн автомашинаа түлш их, бага зарцуулж байгааг мэдэх боломж бүрдэж буй юм.

6

-Солонгос улс өмнө нь агаарын бохирдол ихтэй байсан гэдэг. Үүнийгээ хэрхэн бууруулсан юм бол?                                                                                                       

-Монголд ирэхэд агаарын бохирдол нь маш их байгаа нь харагдлаа. Солонгос улс агаарын бохирдлоо бууруулсан арга нь улсаас нь дэмжлэг үзүүлсэнтэй холбоотой. Тодруулбал, дизель хөдөлгүүртэй болон бензин хөдөлгүүртэй автомашиныг “газ”-н хөдөлгүүртэй болгон сольсны үндсэн дээр Солонгосын агаарын бохирдлыг бууруулж чадсан. Улсаас явуулж буй энэ дэмжлэг нь маш их хэрэг болсон. Монголд ч гэсэн энэ байдлаар хийвэл агаарын бохирдлоо бууруулах боломжтой юм.

6

-Солонгост “газ”-н автомашин хэр их байдаг вэ?

-Сүүлийн үед Солонгост газны үнэ нэмэгдэж байгаатай холбоотойгоор нийт автомашины 30 орчим хувь нь газан хөдөлгүүртэй байдаг.

6

-Хийн түлшээр ажилладаг автомашин манайд харьцангуй шинэ ойлголт. Та дизель болон бензинээр явдаг автомашинуудаас ялгарах давуу талыг товчхон танилцуулаач?

-“Газ-н автомашин хамгийн нэгдүгээрт агаарын бохирдлыг бууруулахад тустай. Хоёрдугаарт дизель болон бензин хөдөлгүүртэй машиныг бодвол зардал багатай, хөдөлгүүрийн насжилтыг уртасгадаг давуу талтай.

6

А.Жаргал