Ванкуверийн олимп хөшгөө хааж, авьяас чадвар, хүч чадлаа сорин өрсөлдсөн тив тивийн тамирчид Сочигийн наадамд уулзах цаг ойртсоор байна. 16 хоногийн дараа Сочигийн “Фишт” цэнгэлдэх хүрээлэнд 87 орны 2000 гаруй тамирчин хүрэлцэн ирэхээр болжээ. Нээлтийн ажиллагаанд оролцох баг тамирчдын өмсгөлийг сонирхуулж байна.

5

Орос

ОХУ-ыг төлөөлж, 120 тамирчин хурд хүчээ үзэхээр болжээ. Оросын баг тамирчдын хувцсыг есөн жилийн турш “Bosco” загварын ордон хариуцан бүтээж байгаа бөгөөд энэ удаад ч уг уламжлалаа хадгалсан байна. Иж бүрдэл хувцасны өнгөөр урьдын адилаар цагаан ба улаан өнгийг сонгосон ч бэлгэдлийн тэмдгээ өөрчилжээ. Тодруулбал, загвар зохион бүтээгчид уламжлалт Галт шувуунаас татгалзан Оросын үндэсний хээ угалзыг ашиглан Грифон болон Пегас хэмээх домгийн амьтдыг шигтгэн хийсэн латин хэлний “R ба U” үсгийг урлажээ.

Өмнөд Солонгос

Тус улс “Сочи”-гийн олимпид 18 тамирчны бүрэлдэхүүнтэй баг тамирчдаа илгээж буй гэнэ. Тамирчид өнгөрсөн долоо хоногт Ерөнхийлөгч Пак Ын Хэ-гээс өвлийн олимпийн өмсгөлөө гардан авсан байна. Тэд дээгүүрээ усан цэнхэр, доогуураа хар өнгөөр ижилсэх аж.

6

БНХАУ

Хятад улс “Сочи”-гийн олимпиод 47 хүний бүрэлдэхүүнтэй оролцож байна. Хятадын баг тамирчид нээлтийн ёслолын ажиллагаан дээр дээгүүрээ улаан, доогуураа цагаан өнгийн хувцсаар ижилсэнэ. Харин тэмцээн дээр лууны дүрс бүхий хувцастай гарч ирэх ажээ. Тэрхүү лууны дүрсийг 8000 гаруй жилийн настай эртний уран зургаас санаа авч бүтээсэн гэнэ.

6

Канад

Өвлийн олимпиос хамгийн их медаль хүртсэн улс бол Канад. “Oslo 1940” өвлийн олимпиос хойш тасралтгүй медаль хүртжээ. Канадын тамирчдын олимпийн өмсгөлийг 1670 онд байгуулагдаж байсан “Hudson’s Bay Company” хийжээ. Өнгөрсөн оны сүүлчээр дээрх компани тамирчдын өмсгөлийг олон нийтэд танилцуулсан юм. Хувцасны иж бүрдэлд 31 зүйлийг багтаасан байв.

6

Их Британи

Загвар зохион бүтээгч Стелла Маккартни энэ удаагийн “Сочи”-д явах Их Британий тамирчдын гоёлыг урлажээ. Тэрбээр “Адидас” пүүстэй хамтран сүүлийн хоёр жилийн хугацаанд Английн тамирчдын хувцсан дээр ажилласан гэнэ. Стелла хөх, оюу ногоон, цагаан, шар, хөх ногоон өнгөтэй хувцсуудыг бүтээхдээ Нэгдсэн вант улсын далбаа болох “Юнион Жек”-ийг чиглэлээ болгон ажиллажээ.

6

Герман

Германы баг тамирчид “Сочи”-гийн өвлийн олимпид Төрийн далбааны гурван өнгө болох хар, улбар шар, шар өнгөөр хосолсон дүрэмт хувцсаар ижилсэх гэнэ.  Тус улсыг төлөөлж 58 тамирчин оролцохоор болжээ.

6

Америк

Америкийн тамирчид “Ральф Лорен”-ий хувцсаар гоёх ажээ. Загвар зохион бүтээгч 2008 оны Бээжингийн зуны олимп болон 2010 оны Ванкуверийн өвлийн олимпид оролцсон Америкийн баг тамирчдын хувцсыг бүтээж байсан туршлагатай нэгэн. 1930-1940-өөд оны загваруудыг орчин үеийн шийдэлтэй болгож хувцасны бүтэн иж бүрдлийг бүтээсэн аж.

6

Япон

Хамгийн олон бүрэлдэхүүнтэй оролцож буй улсаар Япон улс тодорчээ. Тус улсыг төлөөлж 145 тамирчин Сочи хотноо хүрэлцэн ирэх гэнэ. Тамирчдын энэ удаа Японы алдарт зохион бүтээгч Мики Хорийн “Цагаан цас” хэмээх  хувцсаар ижилсэхээр болжээ.

6

Франц

Тус улсыг төлөөлөн 89 тамирчин төлөөлөн оролцож байна. Франц улс Сочигийн олимпийн нээлтэн дээр дээгүүрээ цагаан, доогуураа саарал өнгийн хувцсаар гоёх аж.

6

Австрали

Ногоон болон алтлаг өнгүүд нь австраличуудын сонгодог өнгө юм. Тиймээс тус улсын загвар зохион бүтээгчид тамирчдынхаа хувцсыг урлахдаа эдгээр өнгийг онцолжээ. Энэ оны тавдугаар сард Австралийн баг тамирчдын хувцсыг албан ёсоор танилцуулсан юм.

6

Итали

Итали улс “Сочи”-гийн олимпийн нээлтэд, хөх цэнхэр өнгөөр ижилсэхээр болжээ. Эх орноо төлөөлөн 51 тамирчин Сочи хотноо ирэх гэнэ.

6

Казахстан

Казахстан улсаас Сочи хотноо 17 тамирчны бүрэлдэхүүнтэй баг хүрэлцэн ирэхээр болжээ. Казахстаны бэлэгдэл өнгө улбар шар, цэнхэр өнгийг давамгайлсан хувцас өмсөхөөр болсон байна. “Vancouver 2010” өвлийн олимпиос Казакстан анхныхаа мөнгөн медалийг хүртэж байжээ.

 6

Швед

Тус улсыг төлөөлж цагаан олимпид 99 тамирчин оролцох гэнэ.  Энэ удаагийн баг тамирчдын гоёлд хар цагаан өнгө давамгайлжээ.

6

Испани

Тус улсын тамирчдын хувцсыг Орос улс үнэ төлбөргүй хийж өгөхөөр  Испанийн Олимпийн хороотой гэрээ байгуулжээ. Испанийн тамирчдын улаан, шар болон хөх өнгөтэй хослолыг 1980-аад оны ретро загвараар бүтээсэн байна. Испанийг төлөөлж 101 тамирчин оролцохоор болжээ.

5

5

Б.Дэлгэрцэцэг