Гаалийн ерөнхий газрын харьяа Сэлэнгэ аймаг дахь Гаалийн газрын Алтанбулаг дахь гаалийн салбарт энэ сарын 07-ны өдөр Монгол Улсын бүртгэлтэй “Б” компанийн ОХУ-аас хоёр вагон буюу 120 тонн чихэр, чихрийн бүтээгдэхүүнийг хуурамч гаалийн бичиг ашиглан оруулж ирэхийг завджээ. Тодруулбал, чихрийг дагалдах эх бичиг баримтыг тус компаний эрх бүхий ажилтан санаатайгаар сольж, хуурамч бичиг баримт бүрдүүлсэн нь шалгалтын явцад тогтоогджээ.

Энэхүү үйлдэл нь барааны худалдан авсан үнийн дүнг 50 хувь бууруулж, ойролцоогоор 26 сая орчим төгрөгийн гаалийн татвараас санаатайгаар зайлсхийсэн явдал гэж гаалийн албаны эх сурвалж мэдээллэв.

Иймд дээрх хууль бус үйлдэлд  эрүүгийн хэрэг үүсгэн шалгуулахаар Цагдаагийн байгууллагад шилжүүлжээ.

Б.Одон