Иргэд сар шинийн нэгэнд аав ээж, хамаатан садантайгаа золгохдоо мөнгө барьж золгодог нь "уламжлал". Үүнтэй холбогдуулан Монголбанкнаас шинэ мөнгөн дэвсгэртүүдийг гүйлгээнд  гаргажээ.

Эх сурвалжийн мэдээлж буйгаар өмнөх жилүүлдэд шинэ мөнгөн дэвсгэртийг бага хэмжээгээр гүйлгээнд гаргаж байсан учраас зарим иргэд энэ байдлыг ашиглан дамлан, худалдаалах асуудлууд гардаг байсан. Харин энэ жил иргэн та арилжааны аль ч банкин дээр очсон шинэ мөнгөн дэвсгэртийг солиулж авах боломжтой болсон гэнэ. Мөн хөдөө орон нутагт ч гэсэн хангалттай хэмжээгээр шинэ мөнгөн дэвсгэртийг гүйлгээнд гаргасан гэдгийг дуулгалаа.

Б.Одон