Эцэг эхчүүдийн хайнга, санамсаргүй байдлаас болж бага насны хүүхдүүд амь насаараа хохирсоор байна. Бага насны хүүхдийг хараа хяналтгүйгээр орхисноос болж, галд түлэгдэх, халуун усанд шалзрах, улмаар танихгүй хүмүүсийн хүчирхийлэлд өртсөн гэмт хэргүүд гарсаар байгаа билээ. Тэгвэл энэ сарын 23-нд буюу өчигдөр Сонгинохайрхан дүүргийн 18-р хорооны нутаг дэвсгэрт “Залуус” хороололд зургаан настай эрэгтэй Б байрныхаа 6-н давхарын цонхоор унаж амиа алдсан хэрэг гарчээ. Хэргийг СХДЦХ-1  шалгаж байна.

Б.Одон