Өнгөрсөн оны арваннэгдүгээр сараас хойш нийслэл Бангкок хотноо Ерөнхий сайд Йинглак Чинавтраг огцруулахаар жагсагчид гол замуудыг хааж, Засгийн газрын ордны өмнөх хэсгийг бүсэлж, эмх замбараагүй байдал үүсгээд байсан юм. Гурван сарын турш үргэлжилсэн эсэргүүцлийн жагсаалын улмаас таван хүн амиа алдсан билээ. Энэхүү үйл явдлаас болж Тайландад 60 хоногийн онц байдал тогтоож, дахин сонгууль явуулахаар товлосон билээ.

Орон даяар явагдсан дахин сонгуулийн урьдчилсан дүнгээр Ерөнхий сайд Йинглак Чинавтра ялалт байгуулсан тухай сонгуулийн хорооноос өчигдөр мэдэгджээ. Санал хураалтын дүн гарсаны дараа жагсагчид гол гурван дүүргийг бүсэлж, замдаа тааралдсан бүхнийг галдан шатаажээ. Сөрөг хүчний тэргүүн сонгуулийн дүнтэй санал нэгдэхгүй байгаагаа илэрхийлж, дахин эсэргүүцлийн жагсаал өрнүүлэхээ мэдэгдсэн байна. Бангкок хотноо эмх замбараагүй байдлыг хязгаарлахын тулд Тайландад 130 мянга гаруй цэрэг цагдаа хамгаалалтад гараад байгаа аж. Ерөнхий сайд сонгуулийн үйл ажиллагаа эхэлмэгц саналаа өгсөн тухай “ВВС” агентлаг мэдээллээ.

Б.Дэлгэрцэцэг