“Бүх цэргийн их хар сүлд”-ийг цагаалах тайлга өчигдөр буюу Билгийн тооллын шинийн дөрвөний морь цагт Бүх цэргийн их хар сүлдний өргөөнд болжээ. Их Хар сүлд цагаалах тайлгын ёслолд Батлан хамгаалах яамныхан болон зэвсэгт хүчин, хилийн цэрэг, цагдаа, дотоодын цэргийн бие бүрэлдэхүүний төлөөлөгчид оролцжээ.

Монгол Улсын тусгаар тогтнолыг батлан хамгаалагч цэрэг эрсийн оройн дээд шүтээн Бүх цэргийн Их хар сүлд болгон залж, жил бүр цагаалах тайлгыг зохион байгуулдаг  уламжлалтай юм.  Эрт цагаас үеийн үед дамжин ирсэн энэхүү уламжлал нь өдгөө Батлан хамгаалах, Зэвсэгт хүчний нийт бие бүрэлдэхүүн болон тив дэлхийд энхийг сахиулах эрхэм хүндтэй үүргийг гүйцэтгэж буй энхийг сахиулагчдынхаа үйл хэрэг, буян заяаг даатгадаг юм.

Энэхүү хүндэтгэлийн уламжлалт арга хэмжээ нь жил бүрийн хаврын тэргүүн сарын шинийн 4-ний өдөр тохиодог юм.

5